Tour Xixón

Xixón ye la mayor ciudá d’Asturies, daqué que-y confier una personalidá más abierta, cosmopolita, playera y industrial, con una ufierta cultural centrada nos meses de branu que la fai mui afayadiza pal turismu familiar. Pero too entamó na mar

1h / 1’5h
Asturianu, Castellanu, Gallegu y Portugués

Categoría:

Descripción

El nuesu guía oficial de turismu acompañarános pel barriu de Cimavilla, la esencia marinera de Xixón. Les cais del barriu altu encarámense sobre La Talaya, un oteru rocosu inespugnable de la que la pleamar tapecía’l corredor d’arena que lu comunicaba con tierra. La visita escomenzará na fonte de Pelayu, llugar de reunión y epicentru del Antroxu, pa llueu conocer la Plaza Mayor, la playa de San Llorienzo, la casa natal de Xovellanos, la plaza del Llavaderu, les cases de pescadores o el L’Eloxu del Horizonte, iconu de la tresformación de la ciudá nos años de la dura reconversión industrial. La visita permitirá facer un viaxe al so pasáu ástur y romanu, la so resistencia heroica escontra Castiella, asina como le sos lleendes populares y la so importante cultura marinera que chisca entá les espresiones más cotidianes de los xixoneses.

es_ESEspañol