![\"\"](\"https:\/\/i0.wp.com\/serasturianu.com\/wp-content\/uploads\/2020\/02\/D13iuR8WoAAKXK6.jpg?resize=800%2C533&ssl=1\")
<\/p>\nAsturies ye un pa\u00eds arrogante n\u2019histories, calistraes davezu pol arume de los sos montes y viesques, del so mar o de la so sidra, pos na monoton\u00eda de los d\u00edes grises munchos de los nuesos cuentos y seres mitol\u00f3xicos xorrecieren al calor de la lle\u00f1a, cuando non del alcohol\u2026<\/p>\n
<\/p>\n
Eso s\u00e1benlo bien los vecinos de la villa de \u1e36\u1e37<\/span>uarca<\/strong>, que nun desaprovechen la ocasi\u00f3n pa rellatar con arguyu la lienda del pirata Cambaral<\/strong>, asocedida nel tiempu en que pirates berberiscos y otros malfechores afaraben les costes gallegues y asturianes al env\u00eds d\u2019afogar la so sede en sangre y gafos vicios. El de m\u00e1s sonad\u00eda foi\u2019l vil Cambaral, conoc\u00edu pola so crueld\u00e1 y que tevo la osad\u00eda d\u2019atacar la redolada de \u1e36\u1e37<\/span>uarca. Pa la so mala fortuna, no m\u00e1s alto d\u2019esta villa viv\u00eda\u2019l se\u00f1or de La Telaya<\/strong>, un home de gran inxeniu que llogr\u00f3 entama-y una bona, faciendo pasar a los sos homes por pescadores, y prindando al pirata dempu\u00e9s d\u2019una dura batalla.<\/p>\n Enllenu de mancadures al berberiscu meti\u00e9ronlu presu nes mazmorres de La Telaya a la espera de xusticia. La lienda repara, sicas\u00ed, na f\u00eda del se\u00f1or de \u1e36\u1e37<\/span>uarca, una rapacina con una pureza y pied\u00e1 que la llevaron hasta los barrotes de la c\u00e1rcele pa curiar les fer\u00edes de Cambaral. Cuando cruciaron les sos miraes pela primer vez, l\u2019amor surdi\u00f3 cola mesma intensid\u00e1 qu\u2019aquelles foles azotaes escontra los cantiles nes nueches de galerna. Foi por esa mesma pasi\u00f3n que fuxeron una nueche, cuidando sortiar la vixilancia de los guardies confiaos, pero non la de so padre.<\/p>\n En llegando al puertu, onde esperaba una barca, los amantes cuntaron tar a salvu y fundieron selino nun besu baxo la lluz de la lluna. Pero\u2019l padre de la mocina, azot\u00e1u y borrachu pola ira, corri\u00f3 a tarazar cola so espada les cabeces de los amantes, que cayeron xuntes bes\u00e1ndose per siempre al fondu de la mar. De magar ent\u00f3s, el llugar va ser conoc\u00edu polos lluarquinos como la ponte del beisu<\/i><\/b>, mientres qu\u2019\u00fan de los barrios m\u00e1s marineros y populares, El Cambaral<\/i><\/b>, fixo suyu\u2019l nome del pirata.<\/p>\n![\"\"](\"https:\/\/i0.wp.com\/serasturianu.com\/wp-content\/uploads\/2020\/02\/ponte.png?resize=800%2C534&ssl=1\")
<\/p>\n