RUTA DE LA MADREÑA

Dende fai 4 años vien organizándose en Llión un alcuentru p’andar en madreñes y dignificar esti calzáu, nel qu’asistimos munchos asturianos. Ye por ello qu’un grupín d’entusiastes d’esti patrimoniu quiximos poner en marcha esta cita tamién n’Asturies. Queremos que sea un eventu popular, un espaciu onde celebrar y revindicar el valor de la nuestra cultura.

En qué llugares de la ciudá d’Uvieo se vendíen madreñes? ¿Qué personaxes históricos les usaron? ¿De qué tipos podemos alcontrar n’Asturies? Repasaremos estes coses na visitina guiada —en madreñes— que vamos facer a les 11:00h primero del alcuentru pa comprender la relación histórica d’esti icónicu calzáu de madera cola capital asturiana.

Terminaremos n’El Fontán pa poder esfrutar de la MADREÑADA a les 12:00h, una caminada en madreñes hasta la catedral onde, a diferencia de la visita, nun ye necesaria inscripción previa.

Finalmente, tendrá llugar un vermú y conciertu na plaza d’El Paragües a les 13:00h. Confirmaremos los artistes invitaos a lo llargo d’estos díes, momentu nel que publicaremos el cartel definitivu.