XIXÓN MARINERO
MARINEROS, SARDINERES Y CIGARRERES
¿Quies saber cómo yera la caza de la ballena nel Cantábricu? ¿Cuála yera la faena de los pescadores asturianos cuando salíen a la mar o’l llabor de les sardineres na rula? Ven a esti itinerariu pela memoria cultural del puertu de Xixón y el barriu marineru de Cimavilla.
La ruta escomenzará na Casa Paquet (Oficina de Turismu) pa, de siguío, empobinar pal Tránsitu de Ballenes y la capiella de La Soledá, sede del vieyu gremiu de mareantes, que convertiría a Xixón nun importante puertu balleneru.
La pesca de baxura ocupará bona parte de la visita na redolada de la rula y el dique, pa falar tamién de la industria conservera y del trabayu de descarga y la venta ambulante per parte de les muyeres, les carismátiques sardineres.
Continuaremos l’itinerariu pasiando peles cais del barriu marineru de Cimavilla, chiscaes pola colorida arquitectura de les cases de pescadores hasta llegar Campu les Monxes. Ellí recordaremos personaxes reales como La Tarabica, Telvina, Rambal, les cigarreres de la fábrica de tabacos na primer fuelga de muyeres y navegaremos per distintes histories de vida y trabayu.
Tres hora y media de precorríu, daráse acabación na Plaza Mayor, onde somorguiaremos en delles palabres y expresiones asturianes vinculaes obligatoriamente col Cantábricu.
*Nesti casu, nun s’incluye visita a la Casa Natal de Xovellanos.
DETALLES
La visita NUN ye accesible.
La fisonomía del puertu y el barriu de Cimavilla nun ye apta pa persones con movilidá reducida.
NUN s’acepten.
Ensin penalización hasta 24 hores primero de l’actividá. Si canceles con menos tiempu, llegas tarde o nun te presentes, nun s’ofrecerá reembolsu nengún.
Puntu d'alcuentru
Oficina de turismu (Casa Paquet)
Asturiano 
Español