Tour Avilés

 

Opciones de visita:
a) Visita xeneral.
b) Avilés medieval y barrocu (+ capiella de los Ales, previa reserva).
b) Barriu de Sabugo, parque del Muelle y paséu de la ría (esteriores del centru Niemeyer).



1h / 1’5h
Asturianu, Castellanu, Gallegu y Portugués

Category:

Description

El so potente envoltoriu industrial escuende un carambelu, y ye que la villa d’Avilés poseye ún de los cascos históricos meyor calteníos del norte d’España. La piedra de la casa de la Baragaña o de los templos románicos de los Padres Franciscanos y Santu Tomás de Canterbury acercaránmos al so pasáu medieval, mientres que los enanchamientos barrocos de Galiana y Rivero fadránmos maxinar una villa de comerciantes y artesanos so los soportales empedraos.

Mas Avilés tien tamién una cara popular reflectida ne lletres d’Armando Palacio Valdés y Marcos del Torniello que’l nuesu guía oficial de turismu dirá desvelando a lo llargo de la nuesa visita pel barriu de Sabugo, Plaza’l Parche, les cristaleres del Mercáu de les Aceñes o la Plaza del Carbayeo.

astAsturianu