Col lema «40 años al son de la nuestra música», la Conseyería d’Educación y Cultura programa, del 26 d’abril al 9 de mayu, una serie d’actividaes centraes nel panorama musical n’asturianu y en gallegu.
Avilés, Carreño, Corvera, Ribeseya, Tapia, Siero o Uviéu van ser dellos de los conceyos que van acoyer distintes actividaes; teatru, talleres, conciertos, recitales o certámentes lliterarios, asina como una Feria del Llibru y del Discu que tendrá llugar na Plaza de Trescorrales (Uviéu).
Como novedá, nesta edición va inaugurase’l premiu musical «El mio cantar» empobináu a escolinos, con presentación el llunes 29 d’abril en La Pola, Siero. Amás y como tolos años, el martes 30 d’abril tendrá llugar una llectura de testos lliterarios n’asturianu na Xunta Xeneral, con una visita previa pel Parlamentu que realizará Denis Soria, guía oficial de Ser Asturianu.
L’actu añal de l’Academia de la Llingua Asturiana nel Día de les Lletres Asturianes (3 de mayu) ta previstu nel Teatru Campoamor, a les 20:30 hores.
Pela so parte, el gallegu d’Asturies tendrá la so propia programación con un Homenaxe ás nosas lletras na Casa da Cultura de Tapia, amenizáu pol grupu Bacotexo.
Español 
Asturiano