Los meyores tours n’asturianu en xunetu

Los meyores tours n’asturianu en xunetu

Ser Asturianu ofrez un programa de tours en llingua asturiana en xunetu

Ser Asturianu propón tres visites guiaes n’asturllionés dirixíes pol guía oficial Denis Soria. Les visites previstes consistirán en Cuideiru, pixuatos & viquingoos (sábadu 10 y sábadu 24, 12:00h), la Ruta de la Memoria Histórica Xixón ¡en guerra! (vienres 9 y sábadu 17, 19:00h) y la Ruta de la Revolución d’Ochobre de 1934 (vienres 16 y sábadu 24, 19:00h).

Digual mena, reforcemos les midíes de seguranza frente’l COVID-19 en tolos nuesos tours, implementando una llimitación d’aforu d’alcuerdu Resolución del 5/5/2021, siendo obligatoriu l’usu de mázcara y una distancia de seguranza ente non convivientes de 1.5 m

 

TARIFES:

  • Adultos: 10 €
  • Menores de 18 años (acompañaos): 5€.

*El pagu faise 5 min primero de la visita.

 

FECHES Y HORARIOS:

XIXÓN ¡EN GUERRA! (1’5h)

Panorámica xeneral de la Guerra Civil na ciudá de Xixón, ente’l branu de 1936 hasta la cayida del Frente Norte n’ochobre de 1937. Adentrarémonos pelos escenarios clave a lo llargo de la contienda, l’aniciu de los primeros combates, la sede del Conseyu Soberanu d’Asturies y Llión, la prisión provisional o los principales refuxos antiaéreos, averándomos a les secueles del asediu dempués de 15 meses de bombardeos sobre población civil.

  • Vienres 9 de xunetu // 19 hores.
  • Sábadu 27 de xunetu // 19 hores.

Salida: Teatru Jovellanos (Xixón)

CUIDEIRU, PIXUATOS & VIQUINGOS ! (1’5h)

Ye’l pueblu marineru más retratáu d’Asturies, y ye que la maxa qu’inspira Cuideiru vien alimentando munches liendes alredor del so orixe viquingu o de les raíces escandinaves de la so fala. Pero, ¿qué hai de cierto nello? Acompáñanos pa descubrite les sos cais, la so historia, los sos miradorios y la so etnografía. ¡Aprenderémoste inclusive a falar en “pixuatu”!

  • Sábadu 10 de xunetu // 12 hores.
  • Sábadu 24 de xunetu // 12 hores.

Salida: Oficina de turismu de Cuideiru

RUTA DE LA REVOLUCIÓN D’OCHOBRE DE 1934 (2h)

Proponémoste un viaxe a la Revolución d’Asturies de 1934, l’acontecimientu más importante que vivió Uviéu en tol sieglu XX. Una época marcada pol ascensu del socialismu y del facismu en mediu de la crisis de les democracies burgueses. Acompáñanos peles cais de la capital nesti itinerariu históricu pa conocer la última revolución obrera d’Europa occidental, onde la “Comuña Asturiana” llegó a cariciar la idea d’una sociedá ensin clases, conquistando el poder políticu, tomando y ocupando decenes de cuarteles y bancos, y suprimiendo -inclusive- la moneda.

  • Vienres 16 de xunetu // 19 hores.
  • Sábadu 24 de xunetu // 19 hores.

Salida: Plaza d’El Fontán (Uviéu).

*Consultes: infoserasturianu@gmail.com // 626 221 712 // 639 41 42 16

Asturies: 6 visites guiaes pa nun perder esti xunetu

Asturies: 6 visites guiaes pa nun perder esti xunetu

Un añu más, Ser Asturianu pon en marcha un calandariu de visites guiaes pa esfrutar d’Asturies esti mes de xunetu. Empobinaes tanto al visitante como al públicu asturianu, delles van desenrollase en castellanu y en llingua asturiana, n’horarios estremaos. Les actividaes previstes, seis en total, abarquen los centros históricos de les trés principales ciudaes y villes asturianes, anque esti añu vien apináu de novedaes.

Acompañáu en tou momentu por un guía oficial acreditáu, los asistentes van tener la oportunidá de conocer a fondu’l cascu vieyu d‘Uviéu y la so catedral, Xixón y Avilés, asina como el guapu pueblu marineru de Cuideiru. Amás, esti mes ofrécense tamién dos visites temátiques: la Ruta de la Revolución d’Ochobre de 1934 y el Cementeriu de La Carriona (Avilés).

Otramanera, igüemos las midíes de seguranza frente al COVID-19 en tolos nuesos tours, allendando’l númberu d’asistentes a 15 persones pa cada actividá, nes que sedrá obligatoriu l’usu del bozu y onde existirá la opción de pagu lletrónicu. Sicasí, siempre sedrá posible pagar la entrada en metálico 5 minutos primero de la visita.

Toles visites tienen un preciu de 10€ (5€, menores de 12 años), sacante de la del Cementeriu de La Carriona, que ye de baldre (ofrecida pola Estaya de la Llingua de Avilés).

¡Nun quedes ensin plaza! Acuta yá unviando un corréu a infoserasturianu@gmail.com o llamando al teléfonu 626 221 712.

5 coses que ver en Mieres

5 coses que ver en Mieres

Proponémoste cinco coses que ver en Mieres, la capital de la cuenca minera del Caudal y el sestu conceyu más pobláu d’Asturies. Y sí, tienen perru…

 

1. El Requexu

Si queréis saber de min

Toi na plaza de Requexu.

Soi de Mieres, soi de Mieres

Soi de Mieres del Camín

Si pasar pases per Mieres

Tengo invitate a un culín.

(popular)

Si andes con secañu, averase a esta plaza tan prestosuca ye dir a lo seguro. Asitiada en Mieres del Camín, la capital, cualesquiera de les sos sidreríes ofrez la posibilidá de tomar un culín y d’esfrutar del baturiciu ente l’arquitectura tradicional meyor caltenida de la villa. Anque si lo que quieres ye comer a Dios per una pata, en Ca Laura podrás fartucar por un precio bien razonable.

Dende 1982, el monumentu que corona la plaza nun podría ser otru que “El escanciador de sidra”, una escultura en bronce de gran realismu que representa’l típicu echador asturianu, obra del mierense Manuel Félix Magdalena. Por cierto, lo de Mieres “del Camín” nun ye casualidá, pos la llocalidá ye puntu de pasu del camín de Santiago. La ilesia parroquial de San Xuan, xunta’l Requexu, ye d’estilu neobarrocu y foi construyida por Enrique Rodríguez Bustelo, en 1931.

2. Valdecuna

Viḷḷar (Gaḷḷegos). Fotografía: Turismo Asturias

Santuariu de San Cosme y San Damián (Insierto). Fotografía: Turismo Asturias

El Valle del Cuna ta formáu poles parroquies de Cuna y Gaegos y per elli cuerre’l ríu Cuna, pero la “capital” del valle foi siempre Cenera, a 5 km namás de Mieres del Camín, conque pa munchos siempre va ser el Valle de Cenera. Trátase del valle más señorial del conceyu, polo que ta estráu de palacios (como los d’El Vaitu, el de Viade o los “d’Arriba” y “d’Abaxo” de Cenera) y de pequeños pueblos d’especial interés etnográficu, que podemos conocer en coche o a pie: Vistrimir, Canga, Villar, Miruxeo o Gaegos, esti últimu declaráu “pueblu más guapu d’Asturies” en 1974 y que cuenta con un muséu etnográficu. Paga tamién la pena visitar “la panerona” de Cenera, qu’acueye’l Muséu costumista Benjamín Pumarada.

Dientro del so patrimoniu relixosu, sobresal el santuariu de los Mártires Cosme y Damián (n’Insierto) y, cómo non, la Romería de los Mártires de Valdecuna. Celébrase cada 27 de setiembre y ye una de les más conocíes d’Asturies.

3 Vae de Turón

Valle de Turón. Fotografía: Conceyu de Mieres

Pozu Espinos. Fotografía: Territorio Museo

Allugáu a menos de 10km de Mieres del Camín, el paisaxe del valle de Turón ye un equilibriu perfectu ente patrimoniu natural y industrial, qu’abarca un conxuntu de castilletes mineros d’un interés pergrande, ente los que destaquen: San José, Santa Bárbara y Pozu Espinos. El Pozu Espinos, llevantáu en 1902, considérase’l segundu más vieyu d’España y ye visitable. Amás, ye posible enllazalu cola Vía Verde de Turón, enmarcada dientro del Paisaxe Protexíu de les Cuenques Mineres.

VISITES

  • Sábados, Domingos y festivos: visites organizaes dende’l Centru d’Interpretación.
  • Díes llaborables: acutando primero a partir de 4 persones.
  • Grupos: visites a la carta acutanto primero.

Contactu

Tlfn: 985422185
Corréu: info@pozuespinos.com

 

4. Pobláu mineru de Bustiello

Centru d’Interpretación del Pobláu de Bustiello. Fotografía: Territorio Museo

El pobláu de Bustiello llevantóse ente 1890 y 1925 pol Marqués de Comillas y constituyó ún de los meyores exemplos del llamáu “paternalismu industrial”. Dende’l centru d’interpretación vamos facer un percorríu pelos vieyos xalés (la casa de Don Isidro), la ilesia, el casino, el sanatoriu o les cases pa inxenieros y obreros, ascritos a un estilu arquitectónicu y a una planificación poco usuales na arquitectura industrial asturiana.

VISITES

  • Hasta 3 persones: 5 € / persona
  • De 4 a 19 persones: 4,50 € / persona
  • A partir de 20 persones: 4,00 € / persona

Contactu

Tlfn: 985422185
Corréu: info@pozuespinos.com

5. Miradoriu del Picu Siana

Esti miradoriu alcuéntrase nel Picu Siana (613 m), a menos de 4 km de la villa de Mieres (unos 10 minutos en coche). Sicasí, tamién podemos xubir a elli dende Ablaña a pie pela ruta senderista d’El Llusuriu (689 m). Les vistes son como p’acabar de namorar de Mieres, anque amás de la villa sedremos a ver tamién los cumes de los conceyos de Ḷḷena y Ayer, inclusive la ciudá mesma d’Uviéu, col so Monte Naranco…

Un palaciu de los reis asturianos, n’asturianu

Un palaciu de los reis asturianos, n’asturianu

‘Ser Asturianu’ organiza’l 28 de setiembre la primer visita guiada n’asturllionés a los monumentos prerrománicos del Naranco

Llevantáu nel sieglu IX nel reináu de Ramiro I, Santa María de Naranco ye l’únicu palaciu qu’entá se caltién d’un monarca asturianu, a malpenes 10 min del centru d’Uviéu. Nesta visita vamos facer un viaxe de más de mil años a un pequeñu reinu que resistía escontra l’Islam dende los sos montes borrinosos, al tiempu que diba recibiendo idees y estilos artísticos europeos. Baxo la corona de los sos reis éstos fusionarán colo autóctono dando llugar al arte prerrománicu asturianu, únicu nel mundu.

A lo llargo de la nuesa visita acercarémonos tamién al templu priváu de Ramiro I, Samiguel de Lliño, una ilesia enigmática allugada metanes el claru d’una viesca y estrada de celosíes formoses, onde la restauración actual ta sacando a la lluz pintures milenaries con interesantes motivos.

Dambos monumentos ramirenses tán declaraos Patrimoniu Mundial de la Humanidá pola UNESCO de magar 1985.

Les visites van tar dirixíes por Denis Soria, guía oficial d’Asturies y guía habilitáu de la catedral.

Feches y horarios

– Sábadu 28 de setiembre, 16:15h

Puntu d’alcuentru

Centru d’Interpretación del Prerrománicu (Escuelas vieyes de Naranco, 33012).

Tarifes y reserves

– Adultos: 8€ *inclúi preciu d’entrada a Santa María (3€).

– Menores de 12 años: 3€

P’apuntase ye imprescindible acutar con antelación nel corréu lletrónicu infoserasturianu@gmail.com

Visites guiaes n’asturianu a la Catedral y al prerrománicu

Visites guiaes n’asturianu a la Catedral y al prerrománicu

‘Ser Asturianu’ propón un par de visites n’asturllionés n’Uviéu pa conocer la Catedral y el prerrománicu del Naranco.

 

La Catedral d’Uviéu na lliteratura asturiana

Les visites, previstes pal sábadu 14 a les 10:00h y a les 16:00h, va percorrer a lo llargo de poco más d’una hora los distintos espacios del interior de la catedral d’Uviéu, como son la Cámara Santa, el Claustru, o’l Deambulatoriu, de la mano de cuasi una decena d’autores d’époques diferentes, de magar el Barrocu hasta la década de 1970.

Constantino Cabal, Antón de Marirreguera, Ángeles López Cuesta o Xuan María Acebal van ser dellos de los escritores escoyíos pa, dende les sos obres, asomanos a la historia del templu góticu y de les sos reliquies. Les visites tarán dirixíes por Denis Soria, guía oficial d’Asturies y guía habilitáu de la catedral.

Feches y horarios

– Sábadu 14 de setiembre, 10:00h y 16:00h

Puntu d’alcuentru

Fonte de Ia plaza de la catedral (plaza d’Alfonso II).

Tarifes y reserves

– Adultos (mayores de 12 años): 10€ *inclúi preciu d’entrada a la catedral (7€).

– Con bonu-tarxeta d’entrada 12 meses a la catedral: 5€ *deberá presentase en ventaniella

– Nenos (menores de 12 años): de baldre

P’apuntase ye imprescindible acutar con antelación nel corréu electrónicu infoserasturianu@gmail.com

 

Prerrománicu del Naranco

Llevantáu nel sieglu IX nel reináu de Ramiro I, Santa María de Naranco ye l’únicu palaciu qu’entá se caltién d’un monarca asturianu, a malpenes 10 min del centru d’Uviéu. Nesta visita vamos facer un viaxe de más de mil años a un pequeñu reinu que resistía escontra l’Islam dende los sos montes borrinosos, al tiempu que diba recibiendo idees y estilos artísticos europeos. Baxo la corona de los sos reis éstos fusionarán colo autóctono dando llugar al arte prerrománicu asturianu, únicu nel mundu.

A lo llargo de la nuesa visita acercarémonos tamién al templu priváu de Ramiro I, Samiguel de Lliño, una ilesia enigmática allugada metanes el claru d’una viesca y estrada de celosíes formoses, onde la restauración actual ta sacando a la lluz pintures milenaries con interesantes motivos.

Dambos monumentos ramirenses tán declaraos Patrimoniu Mundial de la Humanidá pola UNESCO de magar 1985.

Les visites tarán dirixíes por Denis Soria, guía oficial d’Asturies y guía habilitáu de la catedral.

Feches y horarios

– Sábadu 28 de setiembre, 11:00h

Puntu d’alcuentru

Centru d’Interpretación del Prerrománicu (Escueles Vieyes de Naranco, 33012).

Tarifes y reserves

8€ *inclúi preciu d’entrada a Santa María (3€).

P’apuntase ye imprescindible acutar con antelación nel corréu electrónicu infoserasturianu@gmail.com

Itinerarios botánicos peles castañales de Redes

Itinerarios botánicos peles castañales de Redes

Estudiantes de secundaria de Llaviana participen estos díes en dos rutes guiaes n’asturllionés organizaes por “Ser Asturianu” pelos sotos del Parque Natural de Redes.

Esta primer selmana de xunu, alumnos de l’asignatura de llingua asturiana del IES David Vázquez Martínez de Llaviana participen nun par de visites guiaes pela ruta de Los Cabornos, en Campiellos (Sobroscubiu). A lo llargo de les mesmes, el guía oficial de turismu Denis Soria averará la cultura alredor de la castaña a los estudiantes y ayudarálos a identificar les especies principales arreyaes a estes viesques, asina como los sos usos prácticos.

L’oxetivu de los itinerarios ye espertar l’interés pol entornu natural y cultural del valle del Nalón y dar a los rapazos un respiru de los espacios virtuales de socialización.

La visita viniente ta prevista pa esti vienres 7 de xunu, a les 9:00 h, con salida nel pueblu de Campiellos.