Trés visites en llingua asturiana pa esfrutar esti agostu

Ser Asturianu propón trés visites guiaes n’asturllionés dirixíes pol guía oficial Denis Soria. Les visites previstes consistirán en Uviéu ¡de mieu! (sábadu 6, 22:00h), la Ruta de la Llingua y la Sidra (sábadu 21, 11:30h) y la Ruta de los pixuatos ya vikingos de Cuideiru (vienres 16 y sábadu 24, 19:00h).

Digual mena, reforcemos les midíes de seguranza frente’l COVID-19 en tolos nuesos tours, implementando una llimitación d’aforu d’alcuerdu Resolución del 5/5/2021, siendo obligatoriu l’usu de mázcara y una distancia de seguranza ente non convivientes de 1.5 m

 

TARIFES:

  • Adultos: 10 € (*Ruta de la Llingua y la Sidra: 15€)
  • Menores de 18 años (acompañaos): 5€.

*El pagu faise 5 min primero de la visita.

 

FECHES Y HORARIOS:

UVIÉU ¡DE MIEU! (1’5h)

Acompáñanos nesta visita nocherniega na que conoceremos el llau ocultu de la capital asturiana, dende exorcismos, cuélebres grabaos en piedra y xuicios de la Inquisición a los misterios del santu sudariu.
*Visita apta pa tolos públicos.

  • Vienres 6 d’agostu // 22:00 hores.

Salida: Plaza de la Catedral (Uviéu).

 

RUTA DE LA LLINGUA Y LA SIDRA (2h)

Ven con nós a esti paséu lliterariu pela parroquia xixonesa de #Deva alredor de la figura d’Andrés Solar, iconu del #Surdimientu. Visitaremos tamién el llagar Piñera, con preba final de #sidra.

  • Sábadu 21 d’agostu // 22:00 hores.

Salida: Ilesia de San Salvador de Deva (Xixón)

 

CUIDEIRU, PIXUATOS & VIKINGOS (1’5h)

Ye’l pueblu marineru más retratáu d’Asturies, y ye que la maxa qu’inspira Cuideiru vien alimentando munches liendes alredor del so orixe viquingu o de les raíces escandinaves de la so fala. Pero, ¿qué hai de cierto nello? Acompáñanos pa descubrite les sos cais, la so historia, los sos miradorios y la so etnografía. ¡Aprenderémoste inclusive a falar en “pixuatu”!

  • Sábadu 28 d’agostu // 12:00 hores.

Salida: Oficina de Turismu.

*Consultes: infoserasturianu@gmail.com // 626 221 712 // 639 41 42 16